POP 5

Lajmet më të lexuara të 5 minutave të fundit

Kultura

4 ‘dukuri’ shqiptare nga “Kcimi i Tropojës” tek “Eposi i Kreshnikëve me lahutë”, në garë për në UNESCO

Këshilli Kombëtar i Trashëgimisë Kulturore Jomatëriale ka përzgjedhur katër dukuri të rralla shqiptare për të qenë pjesë e garës, si “Kryeveprave të trashëgimisë shpirtërore të njerëzimit në UNESCO”. Mes katër dukurive, dosjet e të cilave do të dorëzohen në vitin 2021 në UNESCO nuk mungon as “Eposi i Kreshnikëve i kënduar me lahutë”.

Këshilli Kombëtar i Trashëgimisë Kulturore Jomateriale ka nisur punën seriozisht për plotësimin e dosjeve për katër “dukurive” shqiptare, të cilat i konsideron të denja për të qenë pjesë e listës së “Kryeveprave të trashëgimisë shpirtërore të njerëzimit”. Vet ministrja e kulturës Elva Margariti, përmes një postimi në rrjetet sociale shkruan se:  

“Këshilli Kombëtar i Trashëgimisë Kulturore Jo Materiale ka miratuar katër “dukuri” të denja për t’u kandiduar, si “Kryevepra të trashëgimisë shpirtërore të njerëzimit”, nën mbrojtjen e UNESCO-s. Dhe bëhet fjalë për: “Kcimi i bjeshkës me tupan i Tropojës” ;“Rituali i lashtë i shtegëtimit të bagëtive” ;“Xhubleta si teknologji dhe dijebërje artizanale unikale dhe format e përdorimit të saj,“Kcimi i Logut” ;“Eposi i Kreshnikëve i kënduar dhe shoqëruar me lahutë”.

Ky aplikim vjen pas shumë diskutimeve, që janë bërë pas anëtarësimit të Lahutës, gusulës serbe gjatë vitit 2018 në UNESCO.

Aktualisht specialistët përkatës të secilës dosje po punojnë për plotësimin e tyre, në mënyrë që deri në muajin mars të 2021-it të bëjnë dorëzimin në kohë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Propozimi i PS, a na duhet një reformë e re anti-korrupsion?

Lajme të tjera



×

Lajmi i fundit

Planeti përjetoi prillin më të nxehtë në histori, shkencëtarët paralajmërojnë: 2024 mund të thyejë rekordet e nxehtësisë për të dytin vit radhazi

Planeti përjetoi prillin më të nxehtë në histori, shkencëtarët paralajmërojnë: 2024 mund të thyejë rekordet e nxehtësisë për të dytin vit radhazi

8 Maj, 07:46